Pilersaarut Nuummi siuarsaataasoq

Nuummi Siorarsiorfiup ineriartortinneqarnissaa ukiunik aqqaneq-marlunnik sivisussuseqartussaq aalajangerneqarpoq siunissarlu pillugu piareersartussanngorlugu.

Malittarisassat ersarissut pingaarnertullu pilersaarut ataaseq naapertorlugit Nuummi siunissaq pillugu ilusilersuisoqassaaq. Tamanna pilersaarummut Siorarsiorfik-Nuuk City Developmentimut, ukiuni aqqaneq-marlunni illoqarfimmik inerisaanissamut siunertatut tikkuussisuuvoq.

Oqaluttuarisaanermi pilersaarut aatsaat taama angitigaaq, tassanilu illoqarfiup ilaa nutaaq, atuarfiit meeqqeriviillu nutaat ilaapput, soorluttaaq inuussutissarsiuteqarnermi immikkoortut nutaat sukisaarsartarfiillu nutaat nassuiaatigineqartut, ilaatigut pinngortitaq illoqarfimmut ilaassalluni.

Immikkuullarilluinnartoq angisuumik ataatsimoortumik pilersaarutilik

Siorarsiorfik Kalaallit Nunaanni annertussutsimigut immikkuullarilluinnartuuvoq Nuummilu aalajangersimaqqinnaartumik tikkuussisuulluni inuussutissarsiutinillu ingerlataqartut killiliussassatut pisariaqartitaannik naammassinnittuulluni. Siusinnerusukkut annertoqqatipajaavanik sanaartortoqareerpoq, matumanili nutaartaavoq sanaartugassat pingaarnertut pilersaarummi Kommuneqarfik Sermersuumit ataatsimoortinneqarmata.

Inerisaanerup ataatsimoorunneratigut tamakkiisuuneq qitiutillugu eqaatsumik inerisaanissaq kommunimit qulakkeerneqassaaq. Illoqarfik tamarmi tatituumik imminullu akilersinnaasumik inerisarneqassaaq, tassa imaappoq illoqarfimmi pilersaaruteqarnikkut allatigut piareersaanissanik kinguneqassaaq, assersuutigalugu mittarfiliortoqarnissaanik kinguneqarsinnaalluni.